Mae Cyngor Addysg a Hyfforddiant Gwaith Chwarae Cymru (PETC Cymru) yn darparu fforwm i’r sector drafod materion o bwys strategol ar bob agwedd o addysg, hyfforddiant a chymwysterau gwaith chwarae yng Nghymru, a gwneud argymhellion i PETC UK.
Mae Chwarae Cymru’n llywyddu PETC Cymru. Cynhelir cyfarfodydd bedair gwaith y flwyddyn.
Mae swyddogaethau PETC Cymru yn cynnwys:
- Cytuno ac argymell camau gweithredu strategol eang ar gyfer Addysg, Hyfforddiant a Chymwysterau Gwaith Chwarae yng Nghymru.
- Darparu cyngor ac arweiniad i PETC UK ar faterion sy’n ymwneud ag addysg, hyfforddiant a chymwysterau yng Nghymru.
- Darparu cyngor ac arweiniad i, ac oddi wrth, SkillsActive - y Cyngor sgiliau sector ar gyfer gwaith chwarae.
- Derbyn adroddiadau a gwneud argymhellion ar ddatblygiad Safonau Galwedigaethol Cenedlaethol (NOS), a chymwysterau cysylltiedig, ar gyfer gwaith chwarae yng Nghymru.
- Derbyn adroddiadau a gwneud argymhellion ar agweddau allweddol yn natblygiad, trosglwyddiad a chyflawniad cymwysterau gwaith chwarae.
- Bod yn gyfrifol am raeadru gwybodaeth, cyngor ac arweiniad ar addysg, hyfforddiant a chymwysterau gwaith chwarae i’r grŵp rhanddeiliaid sydd wedi cofrestru fel aelodau.
Yr Aelodau presennol
Mae Cylch Gorchwyl PETC Cymru yn diffinio pwy all fod yn aelodau. Mae Aelodau sydd â Phleidlais yn cynrychioli cyflogwyr gwaith chwarae, mudiadau cenedlaethol sydd â diddordeb mewn chwarae a gwaith chwarae, a darparwyr hyfforddiant.
Mae’r aelodau presennol yn cynnwys:
- Chwarae Cymru
- Clybiau Plant Cymru Kids’ Clubs
- Ray Ceredigion
- Tîm Datblygu Chwarae Cyngor Bwrdeistref Sirol Wrecsam
- SkillsActive
- Addysg Oedolion Cymru | Adult Learning Wales
- Coleg y Drindod Dewi Sant
- Cymwysterau Cymru
- Llywodraeth Cymru
- Gofal Cymdeithasol Cymru
- Cyflogwyr gwaith chwarae
Am ragor o wybodaeth am PETC Cymru cysylltwch â'n Tim Datblygu'r Gweithlu