Dyma grynodeb o gyfleoedd ariannu sydd ar agor ar gyfer ceisiadau ar hyn o bryd.
The Rees Jeffreys Road Fund Competition
Mae The Rees Jeffreys Road Fund yn cynnal cystadleuaeth i roi gwobrau a grantiau i brosiectau I wella strydoedd yn y DU. Mae’r gystadleuaeth ar agor i sefydliadau, unigolion ac ysgolion. Mae rhaid i’r prosiectau ganolbwyntio ar un neu fwy o’r materion canlynol:
- Ffyrdd sy’n gyfeillgar at bobl ar gyfer gwneud defnydd o fannau ar y stryd
- Teithio iachach a mwy diogel
- Newid tueddiadau teithio
- Annog ymddygiad da gan ddefnyddwyr y ffordd
- Cyflawni cefnogaeth y cyhoedd fel y gall newid ddigwydd
- Gwneud teithiau’n fwy pleserus.
Bydd grantiau o £5,000 yn cael eu rhoi i bump sefydliad neu unigolyn i’w helpu i ddatblygu cynigion am brosiectau manylach. Yna bydd y beirniaid yn rhoi grant o hyd at £150,000 i un neu fwy o’r pump cais dethol hyn.
Hefyd, bydd gwobr ariannol o £5,000 ar gyfer un ysgol gynradd ac un ysgol uwchradd. Bydd dwy ysgol gynradd a dwy ysgol uwchradd hefyd yn derbyn gwobr o £2,000 yr un am ddod yn ail.
Dyddiad cau ar gyfer ceisiadau sefydliadau ac unigolion: 22 Hydref 2021
Dyddiad cau ar gyfer ceisiadau ysgol: 19 Tachwedd 2021
Ford Britain Trust
Mae’r Ford Britain Trust yn cynnig grantiau bach ar gyfer elusennau, ysgolion a sefydliadau dielw yn y DU. Mae’r Ymddiriedolaeth eisiau ariannu prosiectau sy’n canolbwyntio ar addysg, yr amgylchedd, plant, pobl anabl neu weithgareddau ieuenctid. Mae rhaid i’r prosiectau ddarparu buddion clir i gymunedau lleol sy’n agos at leoliadau Ford.
Mae grantiau hyd at £250 ar gael. Gellir defnyddio’r grant ar gyfer prosiectau cyfalaf, eitemau gwariant cyfalaf neu gyfrannu tuag at brynu cerbyd newydd.
Dyddiad cau ar gyfer anfon ceisiadau: 31 Hydref 2021
Magic Little Grants
Mae Magic Little Grants Localgiving a People’s Postcode Lottery yn gronfa er mwyn cefnogi elusennau a grwpiau cymunedol yng Nghymru, Lloegr a’r Alban. I fod yn gymwys, mae rhaid i’r elusen neu’r grŵp cymunedol naill ai fod yn eu blwyddyn gyntaf o weithredu neu fod ag incwm blynyddol o dan £250,000.
Mae 2,000 o grantiau gwerth £500 ar gael. Gellir defnyddio’r grantiau i gefnogi costau rhedeg cyffredinol prosiectau newydd neu bresennol. Mae rhaid i’r prosiectau ymwneud ag un o’r themâu canlynol:
- Gwella lles meddyliol
- Galluogi cyfranogiad cymunedol yn y celfyddydau
- Atal neu leihau effaith tlodi
- Cefnogi grwpiau ar y cyrion a hyrwyddo cydraddoldeb
- Gwella bioamrywiaeth a mannau gwyrdd
- Galluogi cymryd rhan mewn gweithgaredd corfforol
- Ymateb i’r argyfwng hinsawdd a hyrwyddo cynaliadwyedd
- Cynyddu mynediad cymunedol i fannau yn yr awyr agored.
Dyddiad cau ar gyfer ceisiadau: 31 Hydref 2021
Meddwl Ymlaen
Mae Meddwl Ymlaen Cronfa Gymunedol y Loteri Genedlaethol yn raglen grant er mwyn creu dyfodol mwy gwydn a meddyliol iach i bobl ifanc yng Nghymru.
I fod yn gymwys ar gyfer y rhaglen, mae rhaid i o leiaf dau sefydliad yng Nghymru weithio gyda'i gilydd mewn partneriaeth. Mae rhaid i’r sefydliadau fod yn sefydliad trydydd sector neu sector cyhoeddus.
Mae’r Gronfa yn disgwyl i’r bartneriaeth ddefnyddio’r grant i:
- ymgysylltu â grwpiau amrywiol o bobl ifanc a'u rhoi ar y blaen i ddatblygu gweledigaeth o ddyfodol mwy gwydn, meddyliol iach
- gweithio gyda phobl ifanc i ddatblygu syniadau a gweithgareddau a fydd yn arwain at newid parhaol i iechyd meddwl a gwydnwch pobl ifanc mewn cymunedau
- paratoi ar gyfer gwneud newidiadau y mae pobl ifanc am eu gweld i systemau a gwasanaethau sy'n bodoli eisoes.
Mae cyfanswm o £10 miliwn ar gael ar gyfer y rhaglen er mwyn ei roi fel grantiau bach. Gellir defnyddio’r grantiau ar gyfer costau staff, cyfraniadau tuag at orbenion, cludiant, cyfleustodau, treuliau gwirfoddolwyr, offer a gwerthuso.
Dyddiad cau ar gyfer anfon ceisiadau: 29 Tachwedd 2021
Ocado Foundation for Good
Mae’r Ocado Foundation for Good yn raglen er mwyn cefnogi prosiectau gan elusennau a grwpiau cymunedol yn y DU. Mae rhaid i’r prosiectau ganolbwyntio ar un neu fwy o’r pynciau canlynol:
- Adnoddau naturiol
- Sgiliau ar gyfer y dyfodol
- Cyrchu cyfrifol.
Mae grantiau hyd at £1,000 ar gael. Mae rhaid i’r sefydliadau geisio am grant trwy’r ap BizGive.
Dyddiad cau ar gyfer anfon ceisiadau: 31 Rhagfyr 2021
The Edge Innovation Fund
Mae’r Edge Innovation Fund (EIF) yn gronfa er mwyn cefnogi sefydliadau addysgol a sefydliadau dielw yn y DU, gan gynnwys ysgolion, prifysgolion ac elusennau cofrestredig.
Yn 2021, mae gan yr EIF gyfanswm o £300k i’w roi i sefydliadau sydd â phrosiectau addas. Mae rhaid i’r prosiect:
- Fod yn arloesol
- Bod yn heriol i’r dull system addysg bresennol
- Mynd i’r afael â’r angen am gwricwlwm eang a chytbwys sy’n cynnwys dysgu galwedigaethol ac academaidd
- Mynd i’r afael â blaenoriaethau strategol Edge.
Nid oes gan yr EIF ddyddiad cau. Derbynnir ceisiadau yn barhaus a chaiff y ceisiadau eu hadolygu’n rheolaidd.
Cronfa Prosiectau Cymunedol Bychan
Bwriad Cronfa Prosiectau Cymunedol Bychan Parc Cenedlaethol Eryri yw cynorthwyo pobl sy’n byw o fewn y parc i ddechrau prosiectau fydd o fudd i’w cymunedau a’u hamgylchedd lleol. Rhoddir ystyriaeth arbennig i geisiadau ar gyfer prosiectau sy'n dangos amcanion a chanlyniadau iechyd a lles.
Gall cynghorau cymuned, grwpiau gwirfoddol, grwpiau ieuenctid, grwpiau merched ac ysgolion wneud cais. Nid yw unigolion, busnesau na chyrff statudol yn gymwys i ymgeisio.
Bydd y grant a ddyfernir rhwng £100 a £500 fel rheol ac ni fydd yn fwy na 50 y cant o gyfanswm costau’r prosiect.
Cronfa Gwydnwch Trydydd Sector Cymru
Mae Cronfa Gwydnwch Trydydd Sector Cymru Cyngor Gweithredu Gwirfoddol Cymru (CGGC/WCVA) ar gael i helpu mudiadau gwirfoddol sydd wedi’u lleoli ac yn gweithredu er budd pobl yng Nghrymu.
Mae’r gronfa wedi ei rhannu’n ddau faes:
- Goroesi – i fynd i’r afael ag unrhyw ostyngiad digyffelyb yn incwm codi arian a rhoddion y mudiad oherwydd y pandemig coronafeirws
- Ffynnu – ar gyfer cefnogi y mudiad i fuddsoddi mewn gweithgareddau newydd neu ychwanegol.
Gall mudiadau wneud cais am un neu’r ddau faes, ond ni ddylai’r cyfanswm a ofynnwyd amdano fod yn fwy na £50,000.
Mae’r gronfa yn rhan o’r £2.4 miliwn a gyhoeddwyd gan Lywodraeth Cymru i gefnogi’r sector gwirfoddol yng Nghymru.
Strengthening Communities
Mae’r Strengthening Communities Henry Smith Charity yn gynllun grant i gefnogi sefydliadau cymunedol yng Nghymru, Lloegr, Yr Alban a Gogledd Iwerddon sy’n gweithio yn ardaloedd mwyaf difreintiedig y DU.
Mae’r elusen eisiau ariannu sefydliadau sy’n galluogi:
- Pobl yn y gymuned i gymryd rhan mewn gweithgareddau sy’n gwella ymgysylltiad, cyfleoedd a lles
- Pobl sydd wedi’u hallgau, sy’n agored i niwed neu sy’n wynebu mathau eraill o galedi i gael mynediad at wasanaethau yn y gymuned sy’n cefnogi newid parhaol cadarnhaol.
Mae grantiau rhwng £20,000 a £60,000 y flwyddyn ar gael ar gyfer costau rhedeg. Gall sefydliadau ofyn am hyd at dair blynedd o gyllid.
Moto in the Community Grants
Mae Moto in The Community Trust yn cynnig grantiau i elusennau, ysgolion, a sefydliadau cymunedol sydd o fewn radiws o 15 milltir i safle gwasanaeth traffordd Moto.
Mae’r Ymddiriedolaeth yn annog ceisiadau gan sefydliadau:
- Sydd â chyfleoedd i staff Moto fod yn rhan o’u gwaith
- Sy’n hapus i gefnogi safle Moto gyda digwyddiadau codi arian.
Bydd yr Ymddiriedolaeth yn rhoi grantiau o £1,000. Yn dibynnu ar gryfder y cais, gellir cytuno ar grantiau sy’n fwy.
Postcode Community Trust
Mae Postcode Community Trust yn gronfa i gefnogi mudiadau bach ac achosion da yng Nghymru. Mae’r grantiau’n amrywio o £500 i £20,000.
Gall mudiadau wneud cais am gyllid ar gyfer prosiect neu ar gyfer costau rhedeg hanfodol, fel cyfleustodau a rhent. Mae rhaid i’r prosiect neu nodau’r sefydliad ymwneud ag un o’r themau canlynol:
- Gwella lles meddyliol
- Galluogi cyfranogiad cymunedol yn y celfyddydau
- Atal neu leihau effaith tlodi
- Cefnogi grwpiau ar y cyrion a hyrwyddo cydraddoldeb
- Gwella bioamrywiaeth a mannau gwyrdd
- Ymateb i’r argyfwng hinsawdd a hyrwyddo cynaliadwyedd
- Cynyddu mynediad cymunedol i fannau yn yr awyr agored.
Pawb a’i Le: grantiau maint canolig a mawr
Mae Cronfa Gymunedol y Loteri Genedlaethol yn cynnig grantiau i fudiadau gwirfoddol neu gymunedol a mudiadau sector cyhoeddus yng Nghymru. Mae’r grantiau ar gyfer prosiectau lle mae pobl a chymunedau’n cydweithio i wneud effeithiau cadarnhaol.
Mae’r rhaglen Pawb a’i Le wedi ei rhannu’n grantiau o ddau faint. Mae’r grantiau maint canolig rhwng £10,001 a £100,000 ac mae’r grantiau mawr rhwng £100,001 a £500,000.
Mae’r Gronfa yn blaenoriaethu prosiectau sy’n:
- Cefnogi sefydliadau i addasu ac ymateb i heriau newydd ac yn y dyfodol
- Cefnogi cymunedau y mae Covid-19 yn effeithio’n andwyol arnynt
- Cefnogi cymunedau a sefydliadau i ddod yn fwy gwydn i’w helpu i ymateb yn well i argyfyngau yn y dyfodol.
Rhagor o wybodaeth am y grantiau maint canolig
Rhagor o wybodaeth am y grantiau mawr
The Morrisons Foundation
Mae’r Morrisons Foundation yn cynnig grantiau i brosiectau elusennau yng Nghymru, Lloegr a’r Alban a fydd yn gwneud gwahaniaeth cadarnhaol mewn cymunedau lleol. Mae’r Sefydliad yn ariannu grantiau o hyd at £25,000 ac nid yw’n ariannu prosiectau’n rhannol.
Ni fydd y Gronfa yn talu am:
- Cyflogau a chostau rhedeg eraill
- Digwyddiadau codi arian
- Gwaith sy’n bennaf yn gyfrifoldeb statudol asiantaethau cyhoeddus
- Cynadleddau neu seminarau
- Elusennau sy’n seiliedig ar chwaraeon, oni bai mai’r nod yw gwella bywydau pobl fregus neu ddifreintiedig.
Darparwyr gofal plant yng Nghymru
Mewn sawl awdurdod lleol yng Nghymru, mae ariannu ar gael i gefnogi lleoliadau gofal plant fel Clybiau Gofal Plant Allysgol, sydd wedi cael eu heffeithio gan y pandemig coronafeirws.
Mae Clybiau Plant Cymru Kids’ Clubs wedi casglu gwybodaeth, gan cynnwys manylion cyswllt a dolenni gwe i geisiadau, ar gyfer pob awdurdod lleol.
Mae cefnogaeth gyda cheisiadau ar gael drwy gynrychiolwyr gofal plant yr awdurdodau lleol, yn ogystal â thrwy Swyddogion Datblygu Busnesau Gofal Plant Clybiau Plant Cymru Kids’ Clubs.
Bruce Wake Charitable Trust
Mae grant Bruce Wake Charitable Trust ar gyfer sefydliadau elusennol sy’n annog ac yn cynorthwyo darpariad gweithgareddau hamdden i bobl anabl. Mae gan yr Ymddiriedolaeth ddiddordeb arbennig mewn ariannu gweithgareddau chwaraeon neu hamdden sy’n cynnwys defnyddwyr cadeiriau olwyn.
Ni fydd ceisiadau gan gwmnïau cofrestredig ‘er elw’ yn cael eu hystyried.
Arts-based Learning Fund
Bydd yr Arts-based Learning Fund gan y Paul Hamlyn Foundation yn cefnogi gwaith sy’n galluogi disgyblion mewn lleoliadau addysg ffurfiol i lwyddo trwy ymgysylltu â dysgu sy’n seiliedig ar y celfyddydau.
Mae gan y sefydliad ddiddordeb penodol mewn ceisiadau sy’n cefnogi disgyblion sy’n profi anfantais systemig i gael mynediad a gwneud cynnydd yn eu dysgu. Mae grantiau rhwng £30,000 a £400,000 ar gael.
Cronfa Trawsnewid Cymorth Cynnar
Mae Cronfa Trawsnewid Cymorth Cynnar yn ariannu sefydliadau sy’n gweithio gyda theuluoedd yn Sir y Fflint. Mae Cyngor Sir y Fflint, mewn partneriaeth gyda Chyngor Gwirfoddol Lleol Sir y Fflint, yn cynnig ariannu i ddarparu help cynnar i deuluoedd yn Sir y Fflint sydd wedi eu heffeithio’n arw gan bandemig Covid-19.
Bydd y gronfa yn buddsoddi mewn prosiectau sy’n mynd i’r afael ag un o’r tair blaenoriaeth:
- Rhieni sy’n dioddef o broblemau iechyd meddwl lefel isel neu ganolig sy’n effeithio ar eu gallu i gefnogi eu plant
- Teuluoedd lle mae plant yn profi Profiadau Niweidiol yn ystod Plentyndod (ACEs)
- Teuluoedd sy’n aros am asesiad llwybr niwroddatblygiadol ar gyfer eu plentyn.
Grantiau Masonic Charitable Foundation
Mae grantiau bach a mawr y Masonic Charitable Foundation ar agor i elusennau cenedlaethol a lleol sy’n helpu plant a phlant yn eu harddegau difreintiedig i oresgyn y rhwystrau sy’n eu hwynebu.
Gyda grantiau rhwng £1,000 a £15,000 ar gael, mae’r grant bach ar gyfer elusennau sydd gydag incwm blynyddol sy’n llai na £500,000.
Mae’r grant mawr ar gyfer elusennau sydd gydag incwm blynyddol sy’n fwy na £500,000. Mae grantiau rhwng £10,000 a £60,000 ar gael i ariannu prosiectau a gellir ei ddefnyddio ar gyfer costau cyflogau, gweithgareddau a deunyddiau.
Cronfa Gymunedol COVID-19 Tesco Bags of Help
Mae Cronfa Gymunedol COVID-19 Tesco Bags of Help yn darparu grantiau o £1000 i brosiectau sy’n canolbwyntio ar blant a phobl ifanc lleol. Mae’r prosiectau yn cynnwys gweithgareddau yn yr awyr agored a chefnogaeth iechyd meddwl.
Bydd y grantiau yn cael eu rhoi i sefydliadau gwirfoddol a chymunedol, ysgolion, cyrff iechyd, awdurdodau lleol a darparwyr tai cymdeithasol.
Cronfa Cymru Actif
Mae Chwaraeon Cymru yn darparu grantiau o £300 i £50,000 i glybiau chwaraeon a sefydliadau neu grwpiau cymunedol sy’n helpu pobl i fod yn actif a chymryd rhan mewn chwaraeon. Mae’r grantiau yn ymateb uniongyrchol Chwaraeon Cymru i’r pandemig coronafeirws.
Dau brif bwrpas Cronfa Cymru Actif yw i:
- Ddiogelu clybiau a sefydliadau cymunedol sy’n wynebu risg ariannol ar unwaith ac sydd angen cefnogaeth
- Ddarparu cefnogaeth ariannol i helpu i baratoi clybiau a sefydliadau i ailddechrau, ymateb i, neu i dyfu cyfranogiad.
Grant Busnes Newydd
Mae’r Prif Weinidog, Mark Drakeford wedi cyhoeddi grant newydd i gefnogi busnesau newydd i ddelio gydag effaith y coronafeirws. Bydd y grant dechrau busnes newydd yn cefnogi busnesau sydd y tu allan i Gynllun Cymorth Incwm i’r Hunangyflogedig Llywodraeth y DU, gyda £2,500 yr un.
I fod yn gymwys ar gyfer grant dechrau busnes, mae’n rhaid i fusnesau:
- fod heb dderbyn cyllid gan Gronfa Cadernid Economaidd Llywodraeth Cymru na’r grant ardrethi annomestig
- fod wedi eu sefydlu rhwng 1 Ebrill 2019 a 1 Mawrth 2020 a heb fod yn gymwys ar gyfer Cynllun Cymorth Incwm i’r Hunangyflogedig Llywodraeth y DU
- fod â llai na £50,000 o drosiant
- fod wedi gweld gostyngiad mewn trosiant o dros 50 y cant rhwng Ebrill a Mehefin 2020.
Bydd yn rhaid i ymgeiswyr gyflwyno ffurflen gais ddwy dudalen a datganiad personol gyda thystiolaeth ategol. Caiff y grant ei weinyddu gan awdurdodau lleol a gall busnesau wirio a ydynt yn gymwys drwy edrych ar wefan Busnes Cymru.
Cronfa Rhyddhad Moondance Covid-19
Mae Moondance Foundation wedi sicrhau bod arian ychwanegol ar gael yn benodol i gynorthwyo mudiadau i barhau â’u gweithrediadau yn ystod yr argyfwng coronafeirws.
Bydd y gronfa yn ystyried ceisiadau am unrhyw un o’r canlynol:
- Cadw staff
- Gweithgareddau a gwasanaethau cyfredol sydd yn y fantol
- Esblygiad gwasanaethau i addasu i’r argyfwng presennol.
Grantiau Ymddiriedolaeth Elusennol Yapp
Mae’r Yapp Charitable Trust yn darparu grantiau ar gyfer costau rhedeg a chyflogau i elusennau cofrestredig bach yng Nghymru a Lloegr i helpu i gynnal eu gwaith presennol.
Gall elusennau bach sy’n mynd i’r afael ag effaith y coronafeirws wneud cais am y cyllid tuag at eu costau craidd parhaus.
Sefydliad Steve Morgan
Fel ymateb i’r pandemig Coronafeirws, mae Sefydliad Steve Morgan eisiau cefnogi elusennau a chwmnïau dielw sydd wedi ei lleoli yng ngogledd Cymru, Sir Gaer a Glannau Mersi. Mae’r gronfa, ar agor i gefnogi elusennau sy’n colli refeniw codi arian oherwydd y feirws.
Cronfa argyfwng y gwasanaethau gwirfoddol
Mae WCVA wedi cyflwyno’r Gronfa argyfwng y gwasanaethau gwirfoddol i helpu ariannu mudiadau sy’n darparu cefnogaeth i grwpiau allweddol, megis pobl sy’n cael trafferth cael mynediad i fwyd.
Bydd grantiau’n cefnogi mudiadau dielw sy’n gweithio ar raddfa gymunedol hyd at lefel genedlaethol yng Nghymru a gall fod rhwng £10,000 a £100,000.
Mae nodau’r grant yn cynnwys:
- Cynnal neu gynyddu gweithgareddau sy’n cefnogi’r rhai mwyaf agored i niwed yn ystod y pandemig coronafeirws
- Sicrhau bod gan fudiadau gwirfoddol/y trydydd sector yr adnoddau angenrheidiol er mwyn darparu gwasanaethau hanfodol i’w cymunedau.
Ariannu COVID 19 Cymunedol Brys
Mae Cronfa Gymunedol Fferm Wynt Pen y Cymoedd yn cynnig ariannu brys, ar garlam ar gyfer sefydliadau yn ardal Nedd, Afan, Rhondda a Chynon. Rhannir y cyllid i ddau edefyn:
- Cronfa Goroesi – er mwyn darparu cyllid llif arian brys ar gyfer sefydliadau sydd mewn perygl o gau
- Cronfa Prosiectau – er mwyn cefnogi gwasanaethau ychwanegol sy’n diwallu anghenion cymunedol yn y dyfodol agos iawn.
Arian i Bawb y Loteri Genedlaethol Cymru
Mae Arian i Bawb y Loteri Genedlaethol Cymru yn edrych i ariannu prosiectau sydd yn dod a phobl ynghyd a chreu perthnasau cryf mewn ac ar draws cymunedau. Hefyd, mae eisiau ariannu prosiectau sydd yn gwella’r mannau a’r gofodau sy’n bwysig i gymunedau. Mae grantiau’n amrywio o £300 i £10000.
Pwy all ymgeisio?
- Sefydliadau gwirfoddol neu gymunedol
- Elusennau cofrestredig
- Grwpiau neu glybiau sydd wedi eu cyfansoddi
- Cwmnïau dielw neu gwmniau budd cymunedol
- Ysgolion
- Cyrff statudol.
The Ragdoll Foundation – Cynllun Grantiau Agored
Mae Cynllun Grantiau Agored y Ragdoll Foundation yn cefnogi sefydliadau sy'n gweithio gyda phlant a phobl ifanc gan ddefnyddio'r celfyddydau a chyfryngau creadigol. Mae grantiau hyd at £50,000 ar gael ond bydd y rhan fwyaf o grantiau rhwng £5,000 ac £20,000.
Mae’r Sefydliad yn edrych i gefnogi prosiectau sy’n:
- amlygu p?er y celfyddydau a chreadigrwydd a'u p?er trawsffurfiol i blant a phobl ifanc
- hybu datblygiad plant trwy eu meddwl dychmygus
- sicrhau gwerthusiad effeithiol o brosiectau i hyrwyddo rhannu a dysgu
- dangos sut y gellir clywed pryderon plant.
Mae gan y Ragdoll Foundation ddiddordeb mewn ariannu prosiectau a fydd o fudd i blant hyd at 10 mlwydd oed ond ystyrir prosiectau a fydd o fudd i bobl ifanc hyd at 18 mlwydd oed.
Foyle Foundation
Mae Cynllun Grantiau Bychain y Foyle Foundation wedi ei ddylunio i gefnogi elusennau bychain yn y UK, yn bennaf y rheiny sy’n gweithio ar lawr gwlad ac ar lefel cymuned leol, ar draws amrywiaeth eang o weithgareddau.
Mae’r Foyle Foundation yn bwriadau rhoi grantiau blwyddyn rhwng £1,000 a £10,000 ar gyfer costau craidd, offer neu ariannu prosiect i elusennau sy’n gallu dangos y byddai grant o’r fath yn gwneud gwahaniaeth sylweddol i’w gwaith.
Bags of Help Tesco
Defnyddir cynllun grantiau cymunedau lleol Bags of Help Tesco i ariannu miloedd o brosiectau cymunedol ledled y DU. Erbyn hyn mae Bags of Help ar agor i geisiadau gan grwpiau cymunedol drwy’r amser.
Yn dilyn proses o lunio rhestr fer bydd pleidlais fisol rhwng tri prosiect cymunedol mewn siopau Tesco yng Nghymru, Lloegr a’r Alban. Ym mhob rhanbarth bydd y prosiect sydd wedi derbyn y mwyaf o bleidleisiau ym mhob siop yn eu rhanbarth yn derbyn grant hyd at £5000. Bydd y prosiect yn yr ail safle yn derbyn hyd at £2000 a’r trydydd yn derbyn hyd at £1000. Rhoddir grantiau i fudiadau cymunedol neu wirfoddol (gan gynnwys elusennau/cwmniau cofrestredig), ysgolion, cynghorau plwyf/trefol ac awdurdodau lleol a darparwyr tai cymdeithasol.
Cronfa Gymunedol Viridor a Prosiect Gwyrdd
Gall cynlluniau cymunedol ledled y De fanteisio ar gronfa ac ynddi £50,000 y flwyddyn dros y 25 mlynedd nesaf trwy bartneriaeth werdd newydd. Mae Viridor, y cwmni sy'n gweithio gyda'r 'Prosiect Gwyrdd' sef partneriaeth rhwng cynghorau, wedi cyhoeddi lansiad Cronfa Gymunedol newydd i gefnogi prosiectau yng Nghaerffili, Caerdydd, Sir Fynwy, Casnewydd a Bro Morgannwg.
Gall mudiadau a phrosiectau cymunedol wneud cais am hyd at £3000.
Biffa Award
Trwy ei thema Hamdden mae Biffa Award yn cynnig grantiau i brosiectau sy’n trawsnewid mannau agored er budd y gymuned, gan gynnig mwy o gyfleoedd iddynt gymryd rhan mewn gweithgareddau hamdden. Mae enghreifftiau o brosiectau sy’n disgyn i’r categori hwn yn cynnwys mannau gwyrdd, llwybrau coedwigol, adnoddau chwaraeon a gerddi cymunedol.
Mae grantiau bychain rhwng £250 a £10,000 ar gael.
Sefydliad Garfield Weston
Mae'r Sefydliad yn darparu arian ar gyfer prosiectau yn y DU ym meysydd cyffredinol y canlynol: addysg; y celfyddydau; iechyd; cymuned; ieuenctid; crefydd a lles. Does dim blaenoriaethau penodol ar gyfer ariannu a chefnogir ystod eang o weithgarwch elusennol.
Mae’r sefydliad yn rhoi grantiau sydd dros £1,000
Marsh Christian Trust
Mae grantiau o £250 i £4,000 ar gael i helpu sefydliadau bychain ledled y DU i dalu am gostau rhedeg amrywiol, megis: costau gwirfoddolwyr, dyddiau hyfforddi a chynnal a chadw offer.
Mae gan yr Ymddiriedolaeth ddiddordeb mewn ariannu elusennau sy'n gweithio ym meysydd:
- Llenyddiaeth, celfyddydau a threftadaeth
- Lles cymdeithasol
- Achosion amgylcheddol a lles anifeiliaid
- Addysg a hyfforddiant
- Gofal iechyd.
Mae'r Ymddiriedolaeth yn ariannu elusennau cofrestredig gydag incwm blynyddol llai na £250,000 sydd wedi cael eu sefydlu ers mwy nag un blwyddyn ariannol.
True Colours Trust UK Small Grants Programme
Mae grantiau o hyd at £10,000 ar gael ar gyfer elusennau bychain a phrosiectau yn y DU sy’n gweithio gyda phlant anabl a’u teuluoedd o ddydd i ddydd.
Hoffai'r Ymddiriedolwyr gefnogi:
- Offer chwarae anghenion arbennig / mynediad at chwarae a hamdden
- Pyllau Hydrotherapi
- Ystafelloedd amlsynhwyraidd
- Bysiau mini
- Prosiectau brodyr a chwiorydd
- Cefnogaeth galaru
- Cefnogaeth teulu / cefnogaeth cyfoedion wedi ei arwain gan rieni.